HVÍTUR Á LEIK (GI) 2026

Árlegt mót Glímufélags Kópavogs (GFK) verður haldið laugardaginn 5. desember 2026

Dagskrá:

Vigtun byrjar kl. 09:00

Fyrstu glímur byrja kl. 10:00
Brackets verða birt föstudaginn 4. desember

Við munum byrja á léttari flokkunum og vinna okkur upp í þyngd.

Áhorfendagjald: 500 kr

Keppt verður í Gi og vigtun fer fram í galla. Þyngdarflokkar verða hugsanlega sameinaðir ef fáir keppendur skrá sig í flokk.

Keppt verður samkvæmt IBJJF-reglum fyrir hvern beltaflokk, sjá http://ibjjf.org/rules/

Athugið að hvítbeltaflokkur er ætlaður fyrir einstaklinga að taka sín fyrstu skref sem keppendur. Ef einstaklingar hafa mikla keppnisreynslu úr öðrum glímuíþróttum eða hafa keppt upp fyrir sig á blábeltamóti, eru þeir almennt séð ekki taldir byrjendur. Liggi einhver vafi í þeim málum er hægt að hafa samband við mótsstjóra.

Keppendur sem eru 15 ára geta fengið undanþágu til að taka þátt, með skriflegu samþykki þjálfara og forráðamanns.

Vinsamlegast vandið skráningu í réttan þyngdarflokk. Ef keppendur ná ekki viðeigandi þyngd er möguleiki að breyta skráningu fyrir 2.000 kr til að færa sig upp um flokk eða skrá sig í opna flokkinn.

KK – Þyngdir: -58kg, -64kg, -70kg, -76kg, -82kg, -88kg, -94kg, -101kg og +101kg

Kvk – Þyngdir: -49kg, -54kg, -59kg, -64kg, -69kg, -74kg, -79kg og +79kg

Senda má fyrirspurnir um mótið til eidur@gfk.is